广岛三箭喺本轮联赛成功反弹。 最新一轮日职联赛事喺寻日率先上演咗几场争夺，目前排名联赛一、二位嘅广岛三箭和川崎前锋均喺本轮顺利过关，冠军争夺战依旧胶著。
凭藉中场稻垣祥嘅全场唯一入球，广岛三箭喺客场成功击败大阪樱花，顺利结束咗连续两轮不胜嘅困境。不过喺同一时间开波嘅另外一场较量中，近期追分势头相当猛烈嘅川崎前锋亦由老将中村宪刚奠定胜局，主场1球气走仙台维加泰。而取得本场比赛胜利后，川崎前锋过去5轮联赛取得4胜1和嘅佳绩。
睇返积分榜，24轮过后手握52分嘅广岛三箭继续领跑，但踢少1轮紧守次席嘅川崎前锋目前仅落后6分，今季日职联冠军究竟花落谁家随时要斗到最后一轮先有定案。
至于降班区域，包尾大幡长崎成功丸喺本轮联赛挥军柏雷素尔惨遭屠杀，无奈迎来四连败嘅佢哋保组形势已经亮起警报。
