史奈达荷兰国家队生涯正式落下帷幕。 由于最近适逢国际比赛日，因此我哋暂且不提联赛，大家不妨将目光聚焦于国际赛场，其中今晨结束嘅一场由荷兰对阵秘鲁嘅国际友谊赛就尤为吸引笔者关注，虽然系友谊赛性质，比赛本身亦并非争夺什么荣誉之战，但当中绝对不乏重要戏码，好多中立球迷心目中嘅「金球先生」史奈达顺利完成国家队告别战，呢出感情大戏虽然让比赛结果显得无关痛痒，但荷兰最终笑到最后亦算系为史奈达嘅国家队生涯划上完美句号。以下就让笔者为大家简单回顾下呢位荷兰巨星嘅职业生涯。
史奈达职业生涯起始于荷兰豪门阿积士，佢早喺2002年就进入阿积士一线队，期间随队夺得过荷甲以及荷兰杯冠军。喺崭露头角之后，史奈达于2007年正式转战西甲赛场，加盟了银河舰队皇家马德里，尽管加盟皇马后有过高光演出，但回头嚟睇，其皇马生涯并不算成功，最终呢名荷兰球星喺2009年远走亚平宁半岛，加入意甲豪门国际米兰。国际嘅经历显然系史奈达职业生涯最高光嘅时段，其中2009-2010赛季，史奈达成功帮助国际将意甲、欧冠以及意大利杯锦标收入囊中，佢绝对可以称得上系国际加冕三冠王嘅主要功臣，一个赛季就完成了绝大多数球员倾尽毕生努力都无法企及嘅成就，当年嘅史奈达堪称人生赢家。再加上喺2010年南美世界杯当中帮助荷兰收获亚军嘅神勇发挥，好多人都觉得史奈达将会成功打破美斯和C.朗拿度对金球奖嘅柯断，但人算不如天算，当时表现如此「无解」嘅史奈达最终不但无缘金球奖，就连前三甲都唔入，结果出嚟嘅一刻可谓一地眼镜，当时唔少人为佢抱不平，觉得当中绝对有黑幕，史奈达当年痛失金球奖就连笔者都一度怀疑自己是否「懂球」，不过无论点都好，史奈达当年无缘金球奖显然系佢职业生涯嘅一大遗憾，不过一切已成定局，最多就系用遗憾美嚟安慰自己囖。未知是否当年嘅大热倒灶影响了史奈达，随后佢嘅职业生涯可谓「急转直下」，喺黄金年龄就逐渐离开主流联赛，虽然佢效力加拉塔沙雷期间都获得过不少国内锦标，但其喺足坛嘅影响力已大不如前，明显算系走紧下坡路。喺离开加拉塔沙雷之后，史奈达还短暂效力过奈斯，但基本算系混日子。直到2018年1月，自知已到生涯暮年嘅史奈达终于下定决心加盟卡塔尔嘅艾加拉法淘金，不过呢啲都系人之常情，搵多两年钱再收山囖。尽管唔系急流勇退，但史奈达喺球会生涯已到过巅峰，除了失落金球奖嘅痛之外，应该都无乜遗憾喇。
至于国家队方面，史奈达足以喺荷兰足球史上留下浓重嘅一笔，佢曾经系荷兰各个年龄段梯队嘅常客，并喺2003年就晋升为大国脚，随队征战过多次欧国杯和世界杯此等大赛，其中喺2010年世界杯当中帮助球队一路过关斩将杀入决赛，可惜最终饮恨屈居亚军。4年之后，史奈达又随队获得世界杯季军，尽管成绩已经有所交代甚至超过预期，但史奈达始终无法帮助荷兰脱掉「无冕之王」嘅帽子，或者一切都系天意，2010年无疑系史奈达以及荷兰最为遗憾嘅时刻，的确让人有种冥冥之中自有主宰嘅感觉。虽然缺少一个国家队锦标，但完全无碍史奈达喺荷兰足球史嘅地位，较早之前，佢就荣膺了荷兰足球终身成就奖，呢个奖无疑系对其贡献嘅一大肯定。或者「遗憾」会让史奈达以及荷兰足球喺将来更为让球迷铭记。我哋就此祝愿「无冕之王」日后一切顺利。
