湘南比马一众球员喺半准决赛次回合比赛中展现出极强嘅韧性。 日本职业联赛杯喺寻日结束咗半准决赛4场次回合赛事，结果当然系有人欢喜有人愁。
喺本届日联杯中绝对不得不提湘南比马，佢哋喺半准决赛与卫冕冠军大阪樱花嘅首回合较量中就主场3球胜出，成功奠定晋级基础。而喺寻日傍晚嘅次回合赛事中，湘南比马喺大阪成功全身而退，两回合总计以5比2淘汰对手晋级准决赛，同时亦系佢哋22年嚟喺本项赛事首度杀入准决赛阶段。虽然湘南比马目前喺联赛中境况唔太理想，但相信呢个历史性嘅晋级可以令佢哋暂时忘却烦恼。
至于日联杯准决赛另外三个席位则分别属于鹿岛鹿角、柏雷素尔和横滨水手，其中横滨水手主客场两回合7比1血洗大阪飞脚更加尽显争冠霸气。
与此同时，日联杯准决赛对阵亦已经出炉，分别为湘南比马 VS 柏雷素尔，横滨水手 VS 鹿岛鹿角。
