週一凌晨，西甲第卅二轮有一场笋盘推介畀大家，届时切尔达将会去到新洛斯卡文尼斯球场对阵格兰纳达。从大家近期状态嚟睇，客军绝对係好过身处榜尾之列嘅格兰纳达，相信唔洗多讲大家都係支持比赛按正路发展，实力高出唔止一班嘅切尔达赢波赢盘。
卅一轮联赛战罢，格兰纳达积20分好过副班长奥沙辛拿小小排名尾二，原本上个月初主场赢咗艾拉维斯以为咸鱼翻生，不过烂泥始终扶唔上柄，格兰纳达喺最近6轮联赛净係靠拉科鲁尼亚「畀面」攞咗1分，其馀5场输晒，咁嘅状态点敢谂保组。另外，格兰纳达最近几季见亲切尔达都好难有运行，计埋今季首循环输1比3，格兰纳达喺大家近4个赛季总共9次过招纪录入边录得1胜3和5负，就算今铺有主场优势都顶唔住起紧势嘅切尔达。
不妨睇下切尔达最近赛程就会感受到佢哋有几攰，上一场同亨克踢咗欧霸盃半准决赛首回合隔咗3日就嚟到今轮联赛，下个礼拜週中又要同亨克踢「下半场」，之后又隔唔够3日就踢下一轮西甲，球员体能耗损程度不言而喻。如果再睇翻今个月较早前嘅赛程，切尔达喺唔到一个礼拜先后面对拉斯彭马斯、华伦西亚以及伊巴三支实力相当嘅球队，咁就唔怪得近3轮净係得1胜2负。屋漏偏逢连夜雨，正当前锋G.罗斯早前喺拉斯彭马斯身上独中三元令外界欢呼昔日意大利金童迎嚟第二春嘅时候，无情嘅伤患再次搵上门，根据官方证实佢起码休战6个月。好彩，切尔达阵中不乏有才华嘅攻击手，例如前锋艾斯柏斯，此君凭藉联赛至今攻入嘅16球成为本土神射手，以一己之力捍卫西班牙人嘅尊严，而且佢喺最近3次面对格兰纳达总共射入4球，相信佢今铺可以带领切尔达结束联赛两连败。盘路方面，澳彩亚盘开出平手盘，两队之间实力差距从近况以及战绩就充分体现出，入手切尔达好大机会有肉食。
