FC悉尼赢波提前封王
周四上演澳职独脚戏，珀斯光辉主场摆擂台迎战FC悉尼。联赛一哥FC悉尼今仗赢波，就可以提前夺得常规赛冠军，不过佢的近期气势有所放缓，面对主场4连胜、要力争季后赛席位嘅光辉，冇咁容易畀悉尼过到关，今场光辉主场受让咁笋，梗系捧1.8倍让球主胜啦！
卫冕常规赛冠军嘅FC悉尼，今场只要赢波，就可以提前两轮捧盃，兼成为澳职史上首支成功卫冕常规赛嘅球队。
如果回带到季初，面对当时表现唔算出色嘅光辉，FC悉尼肯定毫无悬念成为赢波大热；不过今时唔同往日，尤其悉尼近3仗联赛只系赢过1场，上仗都系靠运，临完场前入波先仅胜中岸水手，以悉尼目前水准不定嘅状态，今场作客未必咬得入光辉。
光辉争玩季后赛必搏杀
珀斯光辉愈踢愈硬淨，近几轮联赛几乎抢晒赢波3分，单计主场的话，更录得4连胜，当中墨尔本城同墨尔本胜利两大劲旅，都要喺光辉主场跪低。
现时联赛排第8嘅光辉，同第6位西悉尼流浪者只有1分差距，因此光辉绝对有力衝击季后赛席位，今场仲有一大班主场球迷撑场，就算面对强敌FC悉尼都冇有怕，让球主胜值得捧场。
