嚟紧礼拜六晚上喺广州越秀山体育场又有中超好戏上演，近来逐渐重返正轨嘅地头蛇广州富力将会与来者不善嘅上海申花碰面。双方整体实力较為接近，彼此亦都同样依赖外援群搵食，一场恶斗在所难免。
喺此前惨遭联赛三连败后，痛定思痛嘅富力於此前9日之内喜迎中超及中国足协盃双线三连胜，一扫队内阴霾。但正如睇人都唔可以就睇表面，富力喺呢波连胜当中含金量其实未算十足，足协盃两支低组别手下败将武汉楚风合力和潘阳城市建设实力去到边相信大家都心中有数。而且当家射手沙希域近期喺联赛中迎嚟罕见嘅入球荒，导致球队如今只能寄望另一位攻击手连拿天奴承担起更多责任。与此同时，富力今仗对手申花亦并非等閒之辈，岩岩重返胜轨嘅佢的目前正对积分榜前四位置虎视眈眈，甚至距离一哥上海上港都只有唔到两场波嘅差距。而且一向传得又射得嘅哥伦比亚大将基奥云尼摩兰奴上仗正正為球队攻入致胜球，今铺羊城之行，申花亦绝对唔会坐以待毙。
睇返过去两次双方喺富力地头进行嘅联赛，赛果均无一例外系激战成和，今仗继续大吹和风亦绝不出奇。同时如果话想串返条过关飞，今铺标準盘和局亦势必系铁胆好选择。
