首爾全北半場和啱數
文:工廠仔
高手過招穩陣為先
周日韓職上演重量級大戰，衞冕嘅FC首爾主場迎戰「一哥」全北汽車。FC首爾今季成績大倒退，尤其主場戰績令人失望，喺朴主永同丹恩奴域兩大射手嚴重缺態下，今仗面對強敵必定以穩陣為先，全北汽車作客亦唔會搶攻，「半場和」值得一博。
（周日晚6時開賽）
朴主永丹恩奴域死晒火
FC首爾上季以超強鋒力橫掃亞洲，不過今季卻完全走樣，2位老將前鋒朴主永及丹恩奴域產量大跌，後者更加陷入個半月嘅入球荒，而且FC首爾近5仗主場賽事未逢1勝，今仗迎戰「一哥」難免出現怕輸心態，上半場肯定會先採取防守性策略。FC首爾近5仗主場有4仗上半場打和，證明球隊「好氣好力」嘅時候，的確可以有效執行防守戰術。
作客嘅全北汽車目前穩佔榜首，全賴驚人嘅防守力量，今季8仗作客聯賽有5仗不失球，其中4仗半場同對手踢成0比0。FC首爾雖然近況麻麻，但爛船都有三斤釘，全北汽車作客會踢得更加謹慎，半場開和機會極大。
