火力弱鸡又腾鸡海湾者追半和
周末美职激战连场，又等我阿King畀大家过关贴士，其中周日清晨西雅图海湾者将会主场面对皇家盐湖城。海湾者近期开局踢法保守，近4仗联赛半场都同对手打和，今仗半场和走唔甩。
（无綫myTV SUPER 302台周日清晨5时直播）
上届杀入季后赛决赛嘅西雅图海湾者，今季开咧表现可以话几曳，现时喺西岸积分榜排到下游位置，而且攻击力大减，暂时系美职入球数最少嘅队伍，其中球队上届头号射手兼队长丹普西，今季至今都未开斋状态低迷，佢的惟有以守代攻，尤其开波初段都唔敢主攻，呢场面对作客表现欠奉嘅皇家盐湖城，相信吹半场鸡前两军都难打开纪录。
红牛奥兰多城「大」晒
同日朝早，有纽约红牛主场斗费城联，红牛火力劲就人人都知，球队近8次联赛全开3球或以上，呢场中位数2.5球嘅入球大冇走鸡（无綫myTV SUPER 302台周日早上7时直播）；最后奥兰多城主场火併芝加哥火燄，火燄作客踢法绝对唔缩骨，经常同对手演入球骚，近4场作客更全开3球或以上，中位数2.5球嘅入球大值捧。
（无綫myTV SUPER 303台周日早上7时30分直播）
