俄罗斯积弱难啃土耳其
周三凌晨国际热身赛，世盃东道主俄罗斯喺主场揾嚟土耳其陪练。俄罗斯近期友赛战绩认真麻麻，踢左6场热身赛未赢过，呢仗面对实力有番咁上下嘅土耳其，睇嚟都难有甜头，都系捧番让球客胜好过。
（周三凌晨零时开赛）
作为世盃主办国，俄罗斯除左喺场地配套同赛事统筹上要落足工夫，唔想喺受全球瞩目嘅世盃大舞台上失礼之外，佢的都希望以东道主身份参赛嘅国家队，可以喺决赛周取得好成绩。球队近期频频踢友赛备战，不过就睇唔出「战斗民族」嘅取胜心，表现劲唔争气，近6仗友赛2和4负，上场面对奥地利，俄罗斯都畀对手全场揿住嚟砌，睇嚟班波质素同状态都唔系好掂。
土耳其辛基斯安达当弗
相反无缘世盃嘅土耳其，冇大赛任务喺身反而踢得更放，近4仗友赛未输过取2胜2和，尤其队中有今季喺罗马表现标青嘅攻击手辛基斯安达坐镇，进攻有保证，面对后防实力一般嘅俄罗斯，想偷鸡话咁易，让球客胜实系好路。
