史莫洛夫「首球」趁热食
俄超神射手入球率高
今晚世盃揭幕战，由俄罗斯对沙特阿拉伯。作为东道主，俄罗斯为面子今仗相信会採取主动，先开纪录机会较高，「首名入球」史莫洛夫有3倍相当抵玩！
俄罗斯今届拣人方针以土炮为主，当中只有2名球员效力国外球队，分别系效力西甲维拉利尔嘅翼锋卓利舒夫同埋比甲布鲁日嘅门将加布洛夫，不过要留意卓利舒夫虽略有名气，但佢喺今年三月为俄罗斯披甲于热身赛斗法国前，已经有两年未被选入国家队，喺国际赛场上能否有好表现或成疑问。
其馀球员当中，最值得留意嘅就系效力俄超卡斯洛达嘅史莫洛夫。史莫洛夫除左系2016/17年度俄超神射手之外，2017/18年度亦位处俄超射手榜次席，加上自2012年为俄罗斯披甲至今，入球率近4成，为国家队射入12球，系今届世盃参赛队中入球最多球员。史莫洛夫首名入球赔率有3倍，当然值得捧场。
扒冷必选艾穆华勒
如果赔率未够喉，想扒冷亦有推介，沙特阿拉伯选人方面亦系大部分用番本土球员，只有3名效力国外球队嘅球员入选大军名单，当中于今年年头由伊蒂哈德借用到西甲利云特嘅前艾穆华勒就最值得留意，呢隻矮脚虎速度快，擅于由边路爆破，亦曾在今届世盃外围赛射入关键一球击败日本，从而取得直接跻身决赛周资格，所以首名入球赔率有15倍嘅艾穆华勒，的确系扒冷好选择。
两军旺角球大
翻查两队近期赛事之角球总数量，发觉同样较多，俄罗斯对上3场赛事角球总数均达9个或以上，而沙特近3仗亦有两场角球总数超过9球，今场建议选择中位数8.5球嘅1.63倍角球大。
沙特打「防反」偷鸡
俄罗斯系东道主，估计今仗揭幕战会主攻，但今场俄罗斯第一队入球赔率分头实在欠奉，顾及沙特阿拉伯应会以防反战术应战，随时偷到鸡入波先亦非冇可能，所以若想扒冷，第一队入球有4.4赔嘅沙特阿拉伯亦可留意。
高路云易领黄要吼实
特别项目方面，主要围绕番史莫洛夫做选择，佢系俄罗斯得分主力，而本身入球能力亦毋庸置疑，所以首先入波嘅赔率亦理所当然地较低，不过有2.2倍嘅「（3）入球」仍然值得捧场。另外中场球员高路云亦可留意，佢上届喺俄超差不多每3场就拎1次黄牌，比率颇高，今场不妨敲有4.5倍嘅「（1）被罚黄牌」。
