沙拿伤势未明 埃及头痕 乌拉圭上盘稳
世盃分组赛进行第2日赛事，头场上演A组大战埃及斗乌拉圭，今仗焦点原本落喺3大射手穆罕默德沙拿、苏亚雷斯同卡云尼同场较量，可惜「埃及美斯」有伤，就算能够赶及复出，状态亦肯定打折扣，本身已经「两个打一个」嘅乌拉圭更加佔尽上风，乌拉圭让半一，波童捧上盘。（Now 616、618及ViuTV 99周五晚8时直播）
埃及虽然贵为7届非洲盃冠军，不过讲到世盃成绩却几乎一片空白。埃及史上只系踢过2次决赛周，分别喺1934年及1990年，2届加埋踢左4场比赛从未赢过，只得2和2负；相反2届冠军乌拉圭世盃经验丰富，其中2010年更加勇夺殿军，喺大赛经验方面，乌拉圭可谓赢对手几条街。
哨牙苏卡云尼默契十足
埃及今届喺非洲区外围赛表现唔错，第3圈力压对上3届都有份踢决赛周嘅加纳出线，而且仲有穆罕默德沙拿、艾利尼等英超球星压阵，赛前唔少球迷都睇好佢的可以喺实力平均嘅A组突围，可惜人算不如天算，王牌沙拿喺欧联决赛伤出，严重影响埃及赛前部署。沙拿受伤至今未有踢过1场正式比赛，今仗能否上阵仲系未知数，就算可以赶及复出，状态亦唔慌好得去边，对埃及嚟讲绝对系沉重打击。
乌拉圭本身拥有「哨牙苏」苏亚雷斯及卡云尼2大射手，牌面早已高过单天保至尊嘅埃及，依家沙拿伤势唔明朗，乌拉圭优势更加明显。仲有一点要留意，乌拉圭领队泰巴尼斯已经连续3届领军出战决赛周，阵中大部分主力亦已合作多年，讲默契喺今届决赛周分子入面算系好好嘅一队，有利佢的今届比赛走得更远，今场乌拉圭让半一，波童推介上盘。
