友谊之手五五波 摩洛哥 伊朗吼半场和
世盃B组首战周五晚上将会喺圣彼得堡上演，由摩洛哥硬撼伊朗；两队向来都以防守稳健见称，而且实力分野唔算太大，今场系双方喺今届世盃舞台首骚，开波初段肯定会睇定嚟踢，尤其伊朗近年喺分组赛都表现保守，经常同对手半场打和，1.75倍嘅半场和值得追捧。（Now 618及616周五晚11时直播）
阔别决赛周20年嘅摩洛哥，可以再次登上世盃舞台肯定兴奋，从呢支北非劲旅近期标青嘅热身赛战绩研究，就睇得出摩洛哥为备战今次大赛，绝对称得上花尽心机。摩洛哥喺今届世盃非洲区外围赛表现强势，踢过8场比赛当中只系失过1粒，可见由效力意甲祖云达斯嘅队长贝拿迪亚领军有方，以佢为首嘅防线够晒稳阵。
相比之下，摩洛哥进攻表现就飘忽得多，8场外围赛当中就有4场冇波入，火力明显疲弱，加上摩洛哥长时间冇踢过世盃决赛周，大战经验明显输蚀，睇嚟领队连纳特对球队实力心中有数，预料今场唔会畀班球员踢得太进取咁冒险。
亚洲球队伊朗继上届之后再次闯入决赛周，论经验肯定远胜摩洛哥，尤其主帅奎罗斯纵横欧洲各大联赛多年、更曾带领葡萄牙出战世盃，绝对深知出战大赛期间踢出稳健防守嘅重要性。所以今场为抢得分数，伊朗就算摆出铁桶阵都在所不惜。
伊朗踢法保守
睇番佢的喺亚洲区外围赛第3圈踢过10场比赛，当中只失过2球，防守能力绝对唔差。而且伊朗过去2届世盃保守嘅踢法，已令球迷留下深刻印象，以伊朗近6仗分组赛有5次开半场和，加上同摩洛哥实力接近实属「五五波」，半场和机会甚高咪错过。
