哥斯达黎加强细守城
钢门拿华斯硬顶塞尔维亚
世盃分组赛E组首战，周日晚上哥斯达黎加将会同塞尔维亚，喺萨马拉一决高下。上届世盃表现出色嘅哥斯达黎加，全靠稳守突击战术搵食，虽然少波入，不过就成功跻身8强，今场面对实力不俗嘅塞尔维亚，相信都会照办煮碗，中位数2/2.5球入球细唔好错过。
（Now 618及616周日晚上8时直播）
中美洲奇兵哥斯达黎加，上届喺巴西世盃分组赛，力压传统劲旅英格兰、意大利同乌拉圭，以小组首名出线，表现叫人眼前一亮。讲到尾，真系要多得以门将基罗拿华斯领军嘅后防，守得够稳阵，嗰届踢左5场波，球队都只系失过2球，尤其当时仲踢紧西甲细会利云特嘅基罗拿华斯，大踢争气波急速上位，畀皇家马德里睇中，近年仲做埋「银河舰队」嘅1号门将，有佢把关，哥斯达黎加班队友都踢得放心好多。今届球队沿用上届大部分主力，前线有拜仁雷斯同祖尔甘保，而中场个个都熟口熟面，相信今届战术应该唔会有大变动，继续守住踢。
塞尔维亚入球率偏低
塞尔维亚今届世盃外欧洲区D组取得首名直接出线资格，10场分组赛入20球，进攻表现唔算标青，喺决赛周开锣前3场友赛，除左大胜南美鱼腩部队玻利维亚之外，其馀2场士哥都系1球起、2球止，呢场面对踢惯防守足球嘅哥斯达黎加，都几难咬得入。
况且喺赛程上，塞尔维亚下轮将斗瑞士，最后一场先对巴西。鑑于巴西属呢组出线热门，随时未踢最后一轮已锁定晋级资格，到时塞军要「偷鸡」都易好多，所以今仗佢的未必会chur得太尽，只要有分落袋都收货，难免会踢得更保守，中位数2.5球嘅入球细得1.46倍冇肉食，拣低「半格」中位数2/2.5球嘅1.6倍细盘仲好！
