德国抢首名格杀墨论
精算师点肯16强遇巴西？！
世盃F组分组赛今晚开打，头炮由两支出线热门德国同墨西哥，喺莫斯科路斯尼基球场交锋，基于抽籤形势，呢组次名出线球队极可能会喺16强硬撼大热门巴西，双方当然希望能够抢到首名出线，尤其德国团队向来精于计算，佢的近年大赛决赛周例牌旗开得胜，实力上又远胜青黄不接嘅墨西哥，德国让一球，1.86倍上盘系投注首选。
（Now 616、618及ViuTV 99周日晚11时直播）
卫冕嘅德国近年大赛都习惯先声夺人，近6次大赛决赛周首仗都赢波，近5次更力保不失，近两届世盃首战仲先后大炒澳洲同葡萄牙4蛋，可见佢的最清楚先声夺人嘅重要性，今届情况尤其紧张，因为16强淘汰赛抽籤，E组同F组首次名将会交叉对垒，巴西喺E组明显一支独秀，同组嘅瑞士、塞尔维亚同哥斯达黎加恐怕几难动摇到巴西嘅首名出线资格，换言之佢的极有机会喺16强遇上F组次名，德国今场又点会唔打醒精神先解决同属F组嘅最强对手呢？更何况德国目前正处于盛世，三线人脚鼎盛，整体实力同可用兵源更胜上届冠军队，今场下左格杀令，墨西哥真系好难偷鸡。
墨西哥「小豌豆」被睇通
墨西哥近年大赛表现非常平稳，已经连续7届打入决赛周，而且都可以喺小组出线，但对上6次悉数喺16强止步，现时球队出现青黄不接现象，中场虽然有一定创造能力，但前线「小豌豆」查维亚靴南迪斯实力经已见尽，德军守将亦熟晒佢路，何况墨军全队平均年龄高达28.8系F组最老，讲近况亦唔理想，近4场国际赛加埋只入得1球，面对实力一般嘅克罗地亚同丹麦都要输波，无论攻守质素同德国都有明显差距。两军历来共曾交手11次，德国取得6胜4和1负佳绩，墨西哥唯一胜仗已经系卅多年前（1985年赢过西德），双方最近一次交手系去年洲际国际赛，墨西哥惨败1比4，预期今晚都难挡决心旗开得胜嘅德军。
