射术精湛嘅勇士后卫史提芬居里今仗或会进入无人之境。
雷霆前锋P.佐治可能要孤军奋战。 周三，NBA常规赛正式打响，继揭幕战塞尔特人主场对阵七十六人之后，上午时分，卫冕冠军勇士将挑战雷霆。两连冠嘅勇士今季不但保持原有主力班底，球队更加引入D.卡辛斯将最薄弱嘅中锋一环连成一线，组成五巨头阵容，虽然D.卡辛斯有伤喺身今仗铁定缺战，但雷霆方面韦斯博克亦很大机会因伤缺阵，只由单核P.佐治领军，正所谓双拳难敌四手，雷霆此行劫数难逃。
上季嘅雷霆经历咗一个唔系几愉快嘅赛季，旧年夏天球队组成P.佐治、安东尼和韦斯博克嘅三巨头阵容，可惜经历咗漫长嘅磨合期，安东尼始终融入唔到雷霆嘅战术体系。雷霆喺季后赛首圈被西岸五号种籽爵士淘汰后，安东尼今夏离队已是意料中事，球队顺势引入D.舒奈达，旨意佢同韦斯博克组成后场双枪；至于内线方面，雷霆为史提芬亚当斯搵到奴尔呢位具备一定实力嘅后备；加上延长咗P.佐治嘅合同，雷霆可谓喺今个休赛期嘅赢家之一。不过休赛期接受右膝关节镜手术嘅韦斯博克仲喺康复期，好大机会无缘呢场揭幕战，呢位MVP有力竞争者嘅缺阵对于雷霆嚟讲系一个唔少嘅打击，加上阵中重要一员安德利罗拔臣因伤无缘披甲，难怪澳彩开出雷霆受让多达11.5分嘅让球盘，因为以佢哋目前嘅阵容嚟讲，确实无力与勇士周旋。
上季总决赛横扫骑士夺冠嘅勇士今季自然系希望完成三连冠嘅伟业，创建一个属于自己嘅王朝，因此球队保留咗史提芬居里、基利汤逊、杜兰特以及特雷蒙格连嘅四巨头阵容，原本这套阵型已经相当豪华，但球队休赛期仲用「白菜价」罗致咗全明星球员D.卡辛斯，佢哋嘅实力绝对系有增无减。本场比赛开赛前甲骨文球场将再次挂起NBA总冠军旗帜，无疑给予阵中将士极大嘅鼓舞，史提芬居里和杜兰特喺季前赛依然保持良好嘅手感，两大巨星从来都唔会争风吃醋，关键系队内仲有一位万金油角色嘅球员，佢就系特雷蒙格连，此子各项数据都系平平无奇，但佢先系勇士嘅节拍器，喺防守端更加可以从一号位防到五号位，佢基本上做晒所有数据上表达唔到嘅工作。值得留意嘅系，喺上季常规赛阶段，勇士曾试过主场以32分嘅巨大分差击败雷霆，呢场比赛特雷蒙格连更加将P.佐治防到14射只得1中，可以话依家呢支跑轰战术嘅勇士除咗进攻犀利之外，防守一样咁出色，相信今场揭幕战勇士唔会再令一众拥趸失望。
投注锦囊：两队上季常规赛4次交手，全场上下盘都开出下盘，今仗澳彩开出上下盘分界线为223.5分，而彼此都有唔同程度嘅伤病影响，不妨看好双方今次交手再度开出下盘。
