谢拉特执掂格流追大盘
周中各地都加开联赛同盃赛快车，阿King睇中3场盃赛，先讲场苏格兰联赛盃8强赛事，由格拉斯哥流浪主场斗艾尔。格流主帅谢拉特经过季初一轮揣摸之后，已经熟习球队及联赛运作，由起初入波唔多，到依家已经可以重拾班霸本色，最近3场总入球都达4球或以上，今场大细中位数调高至3/3.5球，入球大同样万勿错过。
季初格拉斯哥流浪频频开细，令到一众大盘客损手，好彩经过磨合之后，球队重上正轨，如果只计联赛，佢的6场入15球，系苏超入波最多球队，即使要分心踢欧霸同盃赛，7场其馀赛事6场有波入，唔使担心球队入球能力。格流喺9月头作客仅以0比1输畀些路迪，证明已有同对方争霸嘅能力，之后格流嘅3场赛事合共入左11球，大炒登地及圣庄士东可以作为今仗参考。两军均属苏超下游球队，同今仗对手苏冠仔艾尔实力差唔多，格拉斯哥流浪入波唔成问题，但艾尔亦系烂砌之流，对唔同对手一样照攻，不如捧入球大仲化算。
串洛辛堡大青年体育会细
之后睇场挪威盃8强洛辛堡对华拉伦加，两支国内死对头每次碰头都踢到飞沙劈石，最近6次交手全部开大，洛辛堡岩岩联赛落后萨普斯堡之下反胜3比1，状态士气都高涨。华拉伦加两周前联赛主场遇洛辛堡，入波先最终被对方补时绝杀输2比3，谷埋一肚气，今场一定要复仇，唔会留手，今场又系入球骚。
最后讲埋场有电视直播嘅南美球会盃16强首回合，哥伦比亚代表青年体育会对阿根廷高隆，高隆踢南球盃向来保守，之前两圈对FC萨莫拿同圣保罗，主客共4场全部开细，今场睇嚟入波唔会多啦！
（有线602及662台周四早上8时15分直播）
