利物浦半场大屠城
欧联派4蛋「埃及文明」复甦
周六晚英超连场大战，焦点落喺10点开波嘅「红军」利物浦主场斗卡迪夫城身上。「红军」上场欧联4比0大炒贝尔格莱德红星，「埃及文明」包办4个入波，状态返晒嚟，而且「红军」今场赢波就可暂时甩开几支前列球队，独霸榜首，战意唔需要怀疑，不过今场主W只得1.04倍冇肉食，让球主客和让两球又太辣，建议改捧1.5球半场大仲稳阵。
（Now 621周六晚10时直播）
英超踢左接近4分1赛事，榜首形势可以讲系近年最激烈，除曼城、利物浦及车路士仍然保持不败，阿仙奴同热刺亦只落后曼城2分，一场胜负足以改变前5名排位，所以现阶段边队失分都好蚀底，特别系对住好似卡迪夫城呢类下游球队，一旦失分相信对争标前途以至士气都有影响，主场出击嘅「红军」更加唔敢怠慢，势必一开波就抢逼对手。
「红军」早前出现小低潮，先喺英联盃被车仔踢出局，之后欧联又输畀拿玻里，好彩周中欧联喺主场大胜红星4比0，士气及时回升，除「埃及文明」重拾射门鞋，领队高普搵梳顿沙基利打正选、负责穿针引线同派牌，成功释放沙拿，变阵出击更应记首功。今场对手卡迪夫城整体实力及级数都唔及「红军」，相信高普会继续派出全攻型阵式制敌。
卡迪夫城后防劲鬆散
卡迪夫城上场主场以4比2击败富咸，终于攞到重返英超后嘅首场胜利，不过后防鬆散问题仍未解决，佢的近6场联赛加埋失左17球，当中4次对Big6球队都喺上半场已失守，好彩呢班波攻力唔错，对住车仔、阿仙奴都入到波，面对今季9场联赛有7次半场领先嘅红军，相信初段会有唔少入波出现，捧1.5球半场大最划算。
