保加利亚誓斯抢首名
今晚欧国联C3组赛事，「2哥」保加利亚于主场硬撼斯洛文尼亚。保加利亚争升班仍未绝望，战意秤先，撞正肯定降班嘅包尾大幡斯洛文尼亚，可趁机抢W。
（有线605台周二凌晨3时45分直播）
斯洛文尼亚笃定降班
先讲讲C3组形势，现时保加利亚以10分排第2位，但查实与「1哥」挪威同分，两军对赛得分、得失球差、得球及作客入球亦相同，而再计总得失球差，保加利亚落后挪威1粒，因此今仗不但要赢波，亦要尽量争取大胜，战意必坚。相反，斯洛文尼亚喺呢组未赢过仅得2分，落后「3哥」塞浦路斯3分，而对赛成绩又较差，肯定包尾降班，唔慌会搏。加上双方近3次碰头，保加利亚赢晒摆明格食格，为升班唔会脚软，主胜有买趁早.
