丹麦爱尔兰斗hea献细
今晚欧国联B4组煞科战，丹麦喺主场迎战爱尔兰。丹麦已肯定升班，今仗随时收起基斯甸艾历臣等主力，而爱尔兰笃定降班，战意成疑，两队斗hea格局，唔慌多波入，2.5球细盘乃不二之选。
（有线618台周二凌晨3时45分直播）
例行公事收起主力
随住丹麦上仗作客以2比1击败威尔斯，依家以7分位列榜首，领先打晒4场嘅「2哥」威尔斯1分及包尾爱尔兰6分，提早一轮锁定首名获得升班，今仗胜负已无关痛痒，主力基斯甸艾历臣、尤素夫保臣或会被收起，出副选点都争啲。丹麦不嬲都守强攻弱，靠晒艾历臣穿针引线，若果呢位热刺中场唔出，火力进一步受削。
另一边厢，只得1分嘅爱尔兰，已笃定包尾兼降班，今仗对佢的嚟讲同属例行公事，唔慌有战意。呢支英伦球队都系识守唔识攻，从近3仗都冇波入、只失1粒，可见一斑。老实讲，今场毫无竞赛意义，相信大家会坚锡身唔会搏，斗hea到完场交差算数，捧细盘最上算。
