德国荷兰煞科战驳火
主场雪耻 Vs 力争出线
欧国联A1组周二凌晨上演煞科战，德国主场迎战荷兰。荷兰于今届欧国联愈战愈勇，今场只要唔输便可取得首名出线；德国虽已笃定降班，但主场出击相信亦唔会畀宿敌轻鬆过关；两军近年交手经常合演入球骚，首选2.5球嘅大盘。
（有线662及602台周二凌晨3时45分直播）
荷兰首场分组赛虽然输畀法国1比2，不过之后两场主场成功全取6分，先以3比0击败今场对手德国，上场更复仇成功以2比0击退法国，同时令3战仅得1分嘅德国提早宣布降班。荷兰依家以1分落后踢晒4场嘅法国，由于对赛成绩荷兰好过法国，所以「橙军」只要唔输畀德国，就可以攞到首名资格出线4强争标，对连续缺席2016欧国盃、2018世盃两个大赛决赛周嘅荷兰嚟讲，绝对系一大成就，以目前荷兰球员信心及状态，作客形势唔会输蚀畀主队。
近5对赛4次大盘
「日耳曼战车」经历失败嘅世盃决赛周后，转战欧国联表现亦冇起色，其中上次作客荷兰淨吞3蛋，更系两军历来交锋德国最大比数败仗，今返主场当然唔想再失威。德国上场热身赛喺主场大胜俄罗斯3比0，基拿比、利莱辛尼及夏维斯等小将都有上佳演出，总算为久沉嘅德国锋线注入生气。睇番两军对上5次交手只有1次打和0比0，其馀4次加埋入左13球，总入球全开3球或以上，预计今次亦会炮製唔少入波，中位数2.5球嘅大盘最抵玩。
