意甲有场免费波费伦天拿对祖云达斯，祖记周中欧联赢波提早入16强，可专心联赛搏杀，佢的今季联赛作客6场全胜，王牌C朗更连续4场有波入，对「紫百合」可反客为主，捧祖记让半一嘅上盘。（香港开电视77台、Now 638、有线654及614周日凌晨1时直播）
C朗今季转投祖记后，表现更加八面玲珑，唔系以往咁斋系入波，好似周中欧联赢华伦西亚，佢就助攻畀文迪苏杰入波，老实讲以C朗嘅卡士，入波固然威水，即使只系助攻同样有赢波光环，祖记今季有佢加盟可谓如虎添翼。
费伦天拿两个月未赢过波
不得不提嘅系，呢名葡萄牙巨星作客发挥更超水准，今季祖云达斯联赛作客豪取6连胜当中，最近4场C朗入左5球，绝对系赢波功臣。主队费伦天拿近排似乎欠啲运仔，近6战5和1负，自9月底击败阿特兰大后，足足2个月未赢过波，再者佢的对住祖云达斯往绩劲曳，近6次交手输5次，好难撑得落，唔嫌客W得1.49太热嘅可以捧场，祖记让半一嘅上盘，似乎更值得一试。
