周日凌晨德甲尾场恶斗，贺芬咸主场迎战史浩克04。贺芬咸前场多位攻击手状态弗爆，可惜受后防甩漏问题拖累，战绩飘忽，今场面对攻力同样有番咁上下嘅史浩克04，一于合演入球骚娱乐球迷，中位数2.5球嘅大盘咪走鸡。
（on.cc东网周日凌晨1时30分直播）
后备奇兵雷斯尼尔逊瓣瓣有
贺芬咸队中多位新加盟嘅射手都交出对办表现，其中最引人注目嘅肯定系英格兰新秀雷斯尼尔逊，呢位18岁前锋至今已入6球兼交出6次助攻，可谓贺芬咸嘅进攻灵魂，近几仗后备上阵都交到货。最令主帅拿高斯文头痛嘅反而系防线，上轮联赛球队喺取得领先优势下，居然畀对手哈化柏林多番偷袭得手，只能踢成3比3收场，贺芬咸近8仗联赛全开3球或以上，往往下半场至少有两球交收，今晚想睇入波嘅球迷必定满足。
史浩克04主力前锋马克乌夫受伤今仗未能倒戈，但球队锋力未受影响，皆因有奇兵史克薛斯基弹出，上仗佢获少帅泰迪斯高信任首次联赛担正，即梅开二度报答主帅嘅信任，今晚两队斗攻格局，中位数2.5球大盘好路。
