一年一度、云集7大洲冠军竞逐嘅世界冠军球会盃今晚正式开打，揭幕战先上演资格赛，由东道主阿联酋劲旅艾阿恩斗大洋洲代表FC威灵顿。
艾阿恩系应届阿联酋超级联赛盟主，阵中较为人熟悉嘅球员，包括有瑞典国脚马古斯贝治及日本中场盐谷司，实力有番咁上下，加上主场出击气势更盛，绝对有能力打响头炮。
FC威灵顿属陪跑分子
大洋洲代表一向喺世冠盃都属陪跑分子，对上8届全部都喺资格赛出局，而对上7届都有份参赛嘅新西兰球队奥克兰，上届喺大洋洲联赛冠军盃4强正正畀今场主角FC威灵顿所淘汰，不过咁唔代表呢队FC威灵顿好打得，睇番对上8届往绩，世冠盃东道主喺资格赛法定时间攞到7胜1和，艾阿恩今匀佔尽天时、地利、人和，就算让到一球、球半都冇有怕，上盘照捧可也。（周三晚上11时30分开赛）
