慕逊加柏强攻纽伦堡

慕逊加柏经过15轮后排喺联赛榜次席，只屈居多蒙特之下，而无论得球同失球，都优胜过同分排第3位嘅班霸拜仁慕尼黑，成绩好有说服力，最难得系主场无敌，至今7场主场全胜，共轰入21球仅失3粒，系德甲主场失波最少球队，近5场主场联赛更每场最少入3粒，火力惊人。今晚虽然有队长史甸度因伤挂免战牌，但前线柏利亚同杜根夏萨特弗到爆灯，有力延续主场强势。
纽伦堡岩岩相反，今季联赛7场作客只得两分，系德甲作客最差球队，近5场作客狂失23球，岩岩至喺主场吞左实力平平嘅禾夫斯堡两蛋，仲有队长比希兰斯继续养伤，作客保路西亚公园球场好难转弱为强，预期慕逊加柏可以喺无后顾之忧下放手狂攻，为大家贡献一场多波入嘅攻防战。