全能C朗撞正「世界波专家」
周六晚上意甲圣诞快车大战连场，其中打头阵嘅有祖云达斯主场斗森多利亚。近况唔错嘅森多利亚，有老将加利亚雷拉迎嚟职业生涯「第二春」，脚风顺到爆，有力同坐拥球星基斯坦奴朗拿度嘅祖记对攻，中位数2.5球入球大捧得过。
（Now 638、有线614及654周六晚7时30分直播）
获葡萄牙球星C朗加盟嘅祖云达斯，今季进攻效率大大提升。至今攻入12个联赛入球嘅C朗，除了频频为球队抢得「士哥」之外，为队友铺桥搭路亦一样掂，至今联赛已经贡献5次助攻，系「老妇人」嘅头号助攻手，有能力全面嘅C朗在阵，最受益嘅非搭档文迪苏杰莫属，呢位克罗地亚前锋联赛至今入左8球，两人双剑合璧，足以令任何意甲后卫闻风丧胆。
大勇加利亚雷拉倒戈
识入波嘅唔止系得一班外国球星，今季唔少意大利本地薑表现一样唔失礼，不过如果同大家讲，最抢镜嘅系森多利亚老将加利亚雷拉，唔少球迷肯定以为自己耳聋幻听。不过你冇听错！皆因呢位35岁意国前锋今季已经射入11球，系入球数最多嘅意大利本土射手，当中冇1球系12码，而且近8场联赛上阵仲场场有波入，就知佢有几弗啦！
人称「世界波专家」嘅加利亚雷拉，上轮联赛再有佳作，炮製出蝎子摆尾靓波，帮助球队击败基尔禾，呢场有佢倒戈面对旧主「老妇人」，森多利亚有本钱同对手演入球骚，中位数2.5球入球大唔好错过。
