东南亚新王有惊喜
在阿联酋举行的亚洲盃分组赛继续激战连场，其中周二晚将上演D组赛事伊拉克斗越南。曾经喺亚洲盃奇迹夺冠嘅伊拉克，去年爆出选人丑闻，战斗力成疑，相反岩岩喺东南亚锦标赛称王嘅越南，近年异军突起，今场有望乘势追击，力争小组首胜取得完美开局，今场越南获得受让，必选有2.8倍嘅让球客胜。（Now 670周二晚9时30分直播）
岩岩过去嘅2018年，可以算系越南足球发展嘅丰收年，喺南韩籍主帅朴恒绪带领下，继去年初U23亚洲盃历史性打入决赛之后，年尾再喺东南亚锦标赛重夺失落10年嘅冠军寳座，睇得出越南足球发展突飞猛进。
越南「双阮」有料到
越南球员经历两次大赛之后，累积左唔少经验，大部分更获徵召出征今次亚洲盃，而最受关注嘅肯定系有「越南美斯」之称嘅阮公凤，以及新星阮光海，后者更荣膺东南亚锦标赛最佳球员，有两位进攻孖寳压阵，越南绝对有力再次创造惊喜。
曾经喺2007年捧起亚洲盃嘅伊拉克，实力备受肯定，可惜伊拉克足球发展继续受客观因素影响，其中主帅卡坦历旧年年中先至上任，同球队磨合时间唔算充裕，期间仲爆出选人丑闻，令伊拉克备战过程蒙上阴影。今场虽然有效力意甲球会阿特兰大嘅后卫阿里卡特谦助阵，面对气势如虹嘅东南亚新贵越南，未必有力赢波，宁愿捧让球客胜好过。
沙特北韩大火併
去到周三凌晨，E组沙特阿拉伯将会面对北韩。去年抢得球队世盃历史上首胜嘅「沙漠之狐」沙特阿拉伯，地面传控踢法令人印象深刻，今届亚洲盃继续由西班牙领队比斯领军，兼有曾经外流西甲嘅中场大将艾达沙尼领军，相信会保留一贯重攻轻守极具观赏性嘅风格，面对战力有番咁上下嘅北韩随时上演入球骚，中位数2.5球入球大捧得过。（Now 670周三凌晨零时直播）
