周四晚上亚洲盃分组赛继续激战连场，其中A组巴林硬撼泰国。巴林首战虽然打和，不过面对东道主阿联酋表现够积极，敢放胆同对手斗攻，对住首战失利，为争出线呢场肯定抢攻嘅泰国，随时演入球骚，中位数2.5球大盘捧得过。
（Now 670周四晚7时直播）
泰国首战惨败畀印度，结果都算几爆冷，不过球队喺比赛中发挥其实唔差，只是上下半场嘅开局欠理想，上半场邓达追和后未能乘势追击再入波，易边后唔够1分钟又再失球，搞到球员信心受影响，打乱左部署，赛后泰国足总随即宣布辞退领队拉耶华治，由助教旭亚泰顶上。好彩泰国本身实力唔曳，其中喺日职揾食嘅攻击好手猜拿迪普桑格辛表现依然值得期待，呢场为尽快重回正轨，肯定抢攻，面对巴林随时上演对攻战。
叙利亚往绩食住约旦
同日较迟时间开波嘅，仲有B组约旦火併叙利亚，约旦虽然首战爆出今届最大冷门击败卫冕嘅澳洲，不过对住实力绝对唔弱嘅叙利亚，未必搞得掂。加上叙利亚近5次同约旦交手取3胜1和1负，往绩佔优，呢场有望再下一城，客胜博得过。
（Now 670周四晚9时30分直播）
印度强攻大起阿联酋
最后到周五凌晨，A组东道主阿联酋迎战印度，印度上仗大胜泰国，向外界展示超强进攻火力，呢场随时照办煮碗再踢进攻足球，中位数2.5球入球大唔好错过。
（Now 670周五凌晨零时直播）
