状态大勇嘅曼联，今晚英超喺主场迎战「海鸥」白礼顿。曼联自看守领队「苏B」苏斯克查上任后，连赢6场，保罗普巴等主力信心返晒嚟，面对作客麻麻嘅「海鸥」，有望缔造7连胜，直取让球主胜。
（Now 622周六晚11时直播）
「海鸥」作客湿滞
同因过于保守、战绩唔掂而被炒嘅摩连奴唔同，曼联搵来进攻大过天嘅苏斯克查救亡后，成队波即时醒晒，连同上场靠迪基亚多番神救、以1比0勇挫热刺在内，「苏B」领军后豪取6连胜，令佢成为红魔史上首位头6场领军全胜嘅主帅。其中王牌保罗普巴全面回勇，喺「苏B」接手后轰入4球及交出4次助攻，另一主将拉舒福特亦大爆发，近期力压状态低沉嘅卢卡古担正，近5场联赛共入4球，依家曼联已回复「魔性」，甫开赛即抢缰由头攻到尾，其中5场喺上半场已取得领先优势，魔性澎湃。
「海鸥」白礼顿虽然硬淨，但作客成绩远逊主场，开季至今11场联赛作客，只得2胜2和7负，其中8场更系先失波嗰队，经常陷于被动，客场又点会有好成绩呢。红魔咁锺意先发制人，挟近期强势迎战客场差劲嘅白礼顿，有权大胜一场缔造7连捷，让球主胜咪错过。
