淘汰赛阶段斗谨慎
今晚亚洲盃续有2场8强上演，头场系「太极虎」南韩火併卡塔尔。南韩贯彻稳中求胜嘅策略，连王牌孙兴民都未开斋，撞正防守固若金汤、今届仍保持清白之身嘅卡塔尔，大家斗稳阵下唔慌多波入，捧2.5球嘅细盘最划算。
（Now 671、有线652及612台周五晚9时直播）
南韩喺上场16强一时大意，法定时间畀巴林逼和1比1，亦系佢的今届首次失波，好彩加时靠后备入替嘅金珍洙建奇功，先险胜2比1晋级。纵然「太极虎」有热刺射手孙兴民助阵，但近2届都秉持稳打稳扎嘅风格，近10场亚洲盃法定时间取得7胜3和未输过，其中8场保持不失球，总入球全开2球或以下。事实王牌孙兴民因为出现疲态，今届2次上阵都仲食紧白果，连日嚟都有专人帮佢做放鬆治疗，加上中场核心奇诚庸喺首场受伤后已返英治疗，未知喺馀下亚洲盃能否披甲，进攻受削弱，惟有踢得更保守。
卡塔尔今届4战保不失
另一边厢，卡塔尔今届4战赢晒，包括16强以1比0击败伊拉克，除左已攻入7粒、排紧射手榜榜首嘅阿莫斯阿里坚Sharp醒外，其稳健嘅防守同样重要，佢的与伊朗同为今届仍保持清白之身嘅球队，可见一斑。况且踏入淘汰赛阶段，唔想先失波陷于被动，必定踢得小心谨慎，大家都唔敢乱攻，入球细乃不二之选。
