士气曳 换帅未执掂
听朝南美波好戏连场，阿King搵到过关心水。阿甲圣马田圣祖安主场对小保加，小保加失落自由盃士气受挫，加上换帅冇耐，面对守得嘅圣马田圣祖安未必能大捷，中位数2.5球细盘好路。（Now 639、有线655及615台周五早上8时直播）
小保加早前喺自由盃决赛输畀死敌河床，痛失锦标，及后主帅舒洛图宣布离队，由前飓风队教头艾法路接手，佢上仗首度领军只能1比1逼和纽维尔旧生，明显适应需时，今场面对踢法更保守嘅圣马田圣祖安，细盘有计。
山度士超班「拉」唔住
同日巴省联两场赛事，丙组仔巴拉干天奴主场对山度士，山度士喺巴省联3战全胜未失过波，今场赢面压一，客胜好路（周五清晨5时15分开赛）；另一仗圣保罗主场斗古兰尼，喺中国掘金嘅靴兰尼斯回归圣保罗，但佢受伤未踢得，另一主力艾华顿卡度素同样因伤缺阵，古兰尼随时有鸡偷，让球客胜值博。
（周五早上7时开赛）
