亚洲之王今晚诞生
阿联酋举行嘅亚洲盃今晚上演王者之战，由「蓝武士」日本硬撼西亚新贵卡塔尔。日本近5届3度封王，经验无疑赢晒，不过中场远藤航因伤好大机会缺阵，撞正有弗爆射手艾莫尔斯阿里助阵、今届赛事全胜兼未失过波嘅卡塔尔，冠军战讲求稳阵，近4届决赛全开半场和，值得再追。
（Now 670、有线611及651台周五晚10时直播）
日本今届走来未算好有霸气，但踢得唔好下都能够赢波，颇有冠军球队特质，主帅森保一肋在畀大部分球员都有落场机会，藉此考察佢的。由分组赛到8强呢5战全部仅赢1粒后，去到4强对住劲旅伊朗终于见真章，早前表现一般嘅南野拓实交出2次助攻，协助复出嘅大迫勇也省两粒，连同原口元气锦上添花，日本清脆大胜3比0进身今日决赛。不过该仗酒井宏树及远藤航先后伤出，前者或可赶及复出，但远藤航严重得多，甚至有传要抖到3月，今仗相信盐谷司会顶替佢嘅空缺，惟冇左呢道中场屏障，森保一或会先加强防守，不敢冒进。
卡塔尔6战未失过波
首度杀入决赛嘅卡塔尔表现令人眼前一亮，今届6战赢晒不特止，仲要未失过波，淘汰赛先后击退伊拉克、南韩同东道主阿联酋，唔讲得笑。射手艾莫尔斯阿里大熟大勇，6场已经入左8粒，不但高踞射手榜榜首，亦追平伊朗名宿戴伊单届入球纪录，今仗再入波就破纪录，但要留意呢支2022年世盃主办国擅踢5-3-2阵式，主打稳守突击，若然日本都缩后嚟踢，未必有太多空位打反击。
近4届决赛全开半和
睇番双方近8次交手，同得2胜4和2负，实力相差唔远，而且决赛场合都唔想先失波陷于被动，必定更为保守。既然近4届决赛全开半和，唔争在追多次。若然想玩吓「冠军」，日本近5届3度封王经验赢成条街，可支持佢的捧盃而回。
