至于头场纽伦堡主场对云达不来梅，榜尾嘅纽伦堡势穷力弱，连增兵都慢人半拍，歇冬后仲未有援兵帮手救亡，依家联赛已经直落6连败，成为降班胆。相反不来梅喺醒目少帅高菲特带领下愈踢愈有朝气，成班小将轮流上位，上轮狂攻强敌法兰克福虽然只系2比2言和，但水准同可观性之高誉满全国传媒，今晚遇弱可以重返胜轨，客W值得支持。
（on.cc东网周六晚10时30分直播）
艾格史甸兄弟齐上位
不来梅少帅高菲特领军后表现同成绩一直稳步上扬，佢带不来梅青年军出身，敢于起用新人，球队由经验丰富嘅麦斯古斯带领下，小将轮流上位，近期最受注目嘅，系艾格史甸同祖汉斯艾格史甸呢对兄弟兵，上轮齐齐担正舞到哈化柏林班后卫乱晒龙，德国传媒一致畀高分，认为以佢的嘅表现值得升上更高位置，甚至值得欧洲赛事入场券。高菲特歇冬期索性将佢甚少重用嘅26岁好波之人科利安卡恩斯卖断畀科隆，摆明留番位畀新人竞争，今晚恃勇出击，作客都值得睇好。
纽伦堡攻守都弱，敬陪末席之馀，对增兵亦慢半拍，当一众护级对手包括汉诺威、史特加同奥格斯堡等喺歇冬期连番借将成功后，佢的直至3日前至宣布签入32岁嘅前汉堡中场伊利斯域，仲相信系唯一新兵，不过佢过去两年只系喺水准甚低嘅哈萨克联赛效力，而且已经4个月冇比赛，今仗赛前仲话喺训练中负伤，暂时都几难救到纽伦堡。
