睇住入球骚过猪年
今日年三十晚食过团年饭，去到凌晨踏入大年初一，就有英超「1哥」利物浦陪大家过新年，作客硬撼「锤仔帮」韦斯咸。红军喺上周中联赛快车意外失分，为争冠不容再失，但防线伤兵颇多，随时以攻代守，况且近年对韦斯咸例多波入，不妨捧中位数2.5球大盘，睇住入球骚过猪年。
（Now 621周二凌晨4时直播）
利物浦今季表现非常稳定，开季至今联赛只系输过1场咁大把，虽然上周中快车未能乘住次席曼城输波，佢的只能打和李斯特城1比1坚唔抵，错失抛离7分嘅良机，但未计今轮赛事，点都叫再甩开少少领先曼城5分，唔算太坏，不过今仗冇得再大意。王牌穆罕默德沙拿坚弗，单计联赛作客，呢位埃及射手近4仗客场入左5粒，只系防线伤兵满营，阿历山大阿诺特岩岩先复操赶唔切上阵，兼且祖高美斯同洛夫云仲伤紧，右闸无论搵法宾奴泰华利斯或佐敦轩达臣客串，都唔慌稳阵。
近4联赛相遇全3球或以上
另一边厢，韦斯咸虽有射手阿拿奥杜域留队，可惜佢同韦舒亚、耶莫兰高、卢卡斯佩雷斯都有伤，韦舒亚更有传可能提早收咧，而且佢的联赛连盃赛在内，近3仗全部输晒，包括英足盃畀英甲仔AFC温布顿踢出局，士气唔慌好得去边。翻查纪录，两军近4次联赛交手，利物浦赢晒之馀，全部都至少赢3粒之馀，仲全开3球或以上，客胜太奀冇肉食，捧让球客胜又唔多稳阵，既然两军交手例多士哥，转捧2.5球嘅大盘，开过靓头。
