至于早场弗赖堡同禾夫斯堡嘅「孖堡」对决，东网亦安排咗英语旁述直播，两军实力各有千秋，今晚碰头势均力敌，黑柴建议小敲有3.2倍好分头嘅和波。
（on.cc东网周六晚10时30分直播）
弗赖堡目前排积分榜第13位，不过已经抛离尾3嘅史特加7分，降班威胁唔大，佢哋歇冬后仲未开斋，不过上轮作客斗史特加，踢到补时4分钟逼和对手，为护级奠下稳固基石，今晚返主场出击士气正面，事实上佢哋歇冬后防线表现虽然麻麻，但前线频有斩获，斗心亦一流，主场出击当然唔想输波。
至于客军禾夫斯堡上轮德甲作客击败哈化柏林显示当勇，平均实力亦稍胜弗赖堡，不过佢哋周中踢多咗一场德国盃，强阵作客对RB莱比锡苦战下以一球饮恨，场波搏得好尽，今晚连续第3场作客未必回到气，相信会以稳为先。
