般尼茅夫近3对赛全吞蛋
今晚英超焦点战，「2哥」利物浦主场硬撼般尼茅夫。利物浦近期突然跌Watt，连续两场联赛失分，为争冠不容再失，王牌穆罕默德沙拿唔使参加下月国际赛，专心为红军数胡绝对有冲喜作用，加上近年交手食住般茅，今仗再遇「私房菜」可趁机反弹，直取让球主胜。
（Now 621周六晚11时直播）
老实讲，利物浦近期真係发挥失常，连续两场联赛打和李斯特城同韦斯咸，尤其係上仗作客「锤仔」，若非对手把握力曳，几乎输波而回。换个角度讲，红军该仗突然有韦拿杜姆同佐敦轩达臣受伤唔出得，咁都保住1分，其实都几有运，老将占士米拿赛后都忍唔住话：「我哋有乜压力呢？为护级、为生计踢波先至有压力，依家我哋排紧前列，应该要尽情享受，冇必要咁忧心。」同时，由于埃及已提早出线非洲国家盃决赛周，因此埃及宣布穆罕默德沙拿喺下月嘅国际赛免役，少咗舟车劳顿，呢位王牌可以喺呢段争标关键期专心为红军效力，绝对係好消息。
般尼茅夫伤兵成箩
般尼茅夫经过季初唔错嘅开局后，近期表现反覆，既可忽然狂数车仔4粒，但又会无喇喇输畀弱旅卡迪夫城，近8仗赢得2场，而且佢哋今仗有射手哥林威尔逊及快翼大衞布鲁克斯因伤倦勤，后衞西蒙法兰西斯同中场路易斯曲克亦提早收咧，而从红军借用嘅尼达利基尼又因条例唔可以倒戈，加上排中游冇乜护级压力，战意唔及红军。
翻查纪录，利物浦同般尼茅夫近3次交手，红军全部赢晒兼至少赢3粒，明显格食格，今仗利物浦可藉地利食「私房菜」博反弹，就算让两球，照拣红军让球主胜。
