近7交手6开半W
周三凌晨欧联16强次回合大战，力争4连霸嘅皇家马德里返回主场再斗阿积士。皇马近日于本土赛事频频失利，惟有将捧盃希望放喺欧联，「银河舰队」首回合仅赢2比1，晋级未算稳阵，为免夜长梦多，皇马今场肯定开波即抢攻，半场主胜捧得过。
（Now 644、有线662及602台周三凌晨4时直播）
继西班牙盃两回合以1比4遭死敌巴塞淘汰之后，皇马上仗联赛再以0比1输畀巴塞，重夺联赛冠军几乎无望。连续两场「国家打吡」失利，肯定严重触动皇马高层同球迷嘅神经线，所以皇马领队苏拿利为保住帅位，嚟紧肯定会出尽法宝力争欧联锦标。
「银河舰队」首回合作客靠宾施马同马高阿辛斯奥嘅入波抢得先机，不过失咗1球，所以优势唔算太大，今场喺队长兼后防主力沙治奥拉莫斯停赛情况下，皇马开局肯定改打进攻足球。其中连续两场「国家打吡」正选上阵嘅巴西小将云尼斯奥斯祖利亚表现抢眼，已经证明自己有能力应付欧洲嘅高水平赛事，有佢喺前场发难，主场出击嘅皇马可望半场取得领先，主导比赛。
客军新仔输经验
作客嘅阿积士虽然有荷兰超新星法兰基迪庄坐镇中场，不过呢支荷甲劲旅以年轻球员为骨干，欧洲赛经验比较输蚀，嚟到欧联淘汰赛阶段肯定更加紧张，更重要係阿积士防守唔算稳阵，近6场作客事有5场出现失波，今场难望保住清之身。睇番对赛往绩，阿积士近年面对皇马都冇啖好食，近7次欧联交手输晒之馀，其中6次半场已经落后畀「银河舰队」，今场作客大有可能半场都顶唔住，皇马半场主胜有1.95倍值博。
