普巴停赛断红魔经脉
周四凌晨续演两场欧联16强次回合，重头戏巴黎圣日耳门（PSG）主场硬撼「红魔鬼」曼联。红魔鬼首回合主场输0比2，想晋级今场必须主动抢攻，可惜佢哋现时受到伤停问题困扰，阵容严重不整；从首回合所见，PSG无论队型、默契及经验皆远胜红魔，返主场有力再赢多铺，PSG让一球照捧上盘。
（Now 643、有线616及656台周四凌晨4时直播）
曼联大半队主力伤晒
曼联首回合输波事小，中场灵魂保罗普巴末段领红牌搞到今场停赛先係事大。自从苏斯克查出任看守领队后，呢名法国中场近16场个人射入9球并交出7次助攻，冇咗佢等如断咗红魔鬼嘅进攻命脉，要知道红魔今场至少要入2粒，晋级先有价讲，而且几名攻击好手包括安东尼马迪尔、连格及桑马达亦有伤在身，至于阿历斯山齐士触伤左膝韧带，估计要养伤两个月，今季或提早收咧。因此就算卢卡古近期脚风转顺，单凭佢同拉舒福特攻坚，实在畀唔到人信心。
除咗锋力不足，曼联中后场亦有唔少伤兵，防守中场尼曼查马迪肯定倦勤，安达靴里拉、路尔斯华伦西亚及菲尔锺斯亦有伤在身，上场联赛对修咸顿险胜3比2已睇到有唔少漏洞，今次对住攻力更强嘅PSG相信更难招架。
卡云尼复出火力更劲
PSG首回合虽然缺少尼马及卡云尼，但由基利安麦巴比、迪马利亚、达斯拿组成嘅攻击组合，仍然搵到唔少机会插入曼联防线嘅心脏地带，默契及级数明显胜一筹，其中基利安麦巴比近5场有份上阵比赛皆有士哥，个人轰入7球，状态弗爆，据报卡云尼今仗有机会复出，势令PSG进攻如虎添翼，除咗PSG上盘之外，大盘亦係唔错选择。
