周二凌晨西甲独脚戏，贝迪斯将会主场斗爱斯宾奴。两队实力不俗嘅西甲中游班，为争来季欧霸资格依然要抢分，可惜慢热嘅贝迪斯有主力防中威廉卡维奴倦勤，呢场开局随时畀对手反客为主偷到鸡，睇好爱斯宾奴抢得第一队入球。（Now 632周二凌晨3时直播）
近5仗都先开纪录
讲到爱斯宾奴点可以唔提「武球王」武磊，呢位中国前锋上轮又有波入，以一记凌空垫射打破比赛僵局，抢尽风头，赛后佢就讲出球队季末嘅目标：「希望可以继续努力，为球队争取参加欧战嘅资格。」
查实爱斯宾奴近排抢分心切，一开波就揿住对手嚟砌，故此近5仗联赛都先取得入波，呢场随时再照办煮碗。相反，贝迪斯不嬲锺意搓住嚟踢，球风明显慢热，加上葡萄牙防中威廉卡维奴有伤缺阵，冇咗佢等于冇咗中场第一道屏障，后防随时再有甩漏，靠飘忽走位搵食嘅武磊，肯定再有发挥空间，肯定捧爱斯宾奴第一队入球。
