好多时啲人都话季尾波讲斗志，但睇番上周末又啱啱相反，嗰啲要抢分嘅球队统统都赢唔到，投注佢哋身上真係喊得一句句。今日阿King拣波都稍为调节一下投注方向，先讲场法甲雷恩对摩纳哥，后者要抢分护级，今场阿King睇好入球大。
（myTV Gold 302、Now 639、有线655及615台周四凌晨1时直播）
雷恩啱啱同巴黎圣日耳门激战120分钟，射赢12码捧走法国足总盃，取得下届欧霸盃参赛资格。对佢哋嚟讲，今季绝对係超额完成。球队上下究竟係浸淫喺捧盃嘅欢乐当中，馀下联赛Hea踢例行公事，定係士气大振，鼓其馀勇联赛係咁赢呢？真係好难估计。毕竟球员人望高处，球队赢咗冠军自然吸引球探嚟睇波，球员馀下几场踢得好，随时水涨船高转投更佳球队都唔定。
雷恩难估但摩纳哥就唔难估，佢哋依家排联赛尾4，少踢一场离降班区有3分距离，仍然要为护级努力，今场作客会採取主动，佢哋前线有法卡奥及高路云等名将，质素始终喺度，要争取入球唔係难事，不过纯粹睇抢分斗志买客胜，可能会重蹈上周覆辙，不如改变少少策略，转玩入球大。
串埋真特细费城联主Ｗ
跟住睇场比利时盃决赛，真特同梅赫伦喺中立场抢盃。论实力真特肯定好过比乙球队梅赫伦，但梅赫伦既然杀得入决赛，当然唔会咁易就范，几大同你死过啦，而且真特近况唔係咁掂，近6仗只得1和5负，近2仗更加係入唔到波，梅赫伦顶到唔奇，捧入球细（周三晚8时30分开赛）。最后提供美职费城联对FC辛辛那提守尾门，新球队FC辛辛那提攻力欠奉，9场联赛只入6粒，一班射手仲要适应吓美职嘅节奏，费城联3连胜状态火热，简单捧主胜。
（周四早上7时30分开赛）
