神锋对决抢拔头筹
今晚亚冠8强首回合再爆「中日大战」，FC广州主场迎战鹿岛鹿角。FC广州有神箭艾克森回巢，火力更勐；鹿角亦有「亚冠福将」沙真奴安东尼奥助阵，随时以攻代守，阿King诚意推介中位数2.5球嘅大盘。
（Now 671、有线612及652台周三晚8时直播）
刚入籍中国嘅箭头艾克森（原名艾杰臣）今夏重返FC广州，回巢后联赛7战入7粒，係球队重登中超榜首嘅功臣。艾克森过往代表FC广州出战亚冠盃共入15球，经验同实力唔使怀疑，拍住伤愈复出嘅巴西射手塔利斯卡，主场出击势必争取入波。不过鹿角中场沙真奴安东尼奥同样咁弗，今届已累入5球，呢支衞冕球队喺亚冠踢法主动，近9场亚冠盃客战有7次开3球或以上，入球骚走唔甩。
阿积士主场丧攻尼料
夜啲嘅欧联附加赛次回合，阿积士主场斗尼科西亚，首回合两队踢成0比0，阿积士回师主场必狂攻，要中位数3.5球嘅大盘。（myTV Gold 303、Now 643、有线616及656台周四凌晨3时直播）最后听朝美职独脚戏，蒙特利尔冲击新援保赞上仗射入世界波，明显已适应美职，今仗主场有力带领球队半场KO温哥华白帽。
（myTV Gold 302台、Now 639、有线615及655台周四早上8时直播）
