「圣人」遇Big6例脚软
今晚英超头场，「圣人」修咸顿主场迎战曼联。连续2场失分嘅曼联，仲有劳基梳尔及安东尼马迪尔受伤，但从博彩嚟讲被睇低绝非坏事，而且「圣人」一向欺善怕恶，对亲Big 6球队都脚仔软，今场曼联少让平半，一于捧上盘。
（Now 621周六晚7时30分直播）
曼联近2场联赛先以1比1打和狼队，上场主场更以1比2输畀水晶宫，保罗普巴及拉舒福特喺呢2场同样12码宴客，打击士气，赛前官方宣布，劳基梳尔及安东尼马迪尔肯定因伤缺阵，全部都係坏消息。
普巴孭完镬要打争气波
不过正因为咁，曼联嘅赔率明显有降温迹象，今场个客W有1.88倍，而让球盘只让平半，仍有七五水，比着平时边有咁好分呀？平心而论，曼联个人质素点秤都赢修咸顿，包括上场射入靓波嘅丹尼尔占士演出对办，右闸云比沙卡啱啱首度获英格兰国家队徵召，攞番啲信心，而普巴连续2场孭镬，今仗一定会醒醒定定，打番场争气波。
修咸顿上场联赛作客2比0击败白礼顿，但与对方前锋安多尼喺上半场中段领红牌被逐、「圣人」大部分时间打多个有关，喺呢场有波入嘅列特文亦养伤倦勤，不宜高估。何况修咸顿近年季初例必慢热，搞到开局坚差，而且于英超欺善怕恶，近5次联赛斗Big 6球队输4次，包括今季次轮喺主场1比2输畀利物浦，今次撞正送走瘟神阿历斯山齐士、志切反弹嘅红魔，凶多吉少，上盘值得捧场。
