今晚西甲头场，衞冕嘅巴塞隆拿作客升班球队奥沙辛拿。虽然巴塞队长美斯未必出得，但新兵基沙文上仗证明佢能担大旗，加上近年交手经常大炒对手，直取让球客胜。
（Now 632周六晚11时直播）
开咧首战落笔打三更嘅巴塞，上场即刻翻生，喺主场狂数贝迪斯5比2，火力全开坚得人惊。其中今夏重金来投嘅基沙文踢出身价，个人省两粒兼交出助攻，佢仲带生埋拉芬拿艾简达拿同生牯仔卡利斯佩雷斯，证明自己有力担任进攻核心，而后两者亦要趁机争取表现，即使队长美斯好大机会继续因伤倦勤，但都唔使担心「地上最强」嘅攻击力。
近季炒惯奥沙辛拿
凭藉上季西乙亚军资格升班嘅奥沙辛拿，儘管头2场联赛取得1胜1和，睇落唔错，但对手只係雷加利斯及伊巴之流，实力难与巴塞相提并论。翻查纪录，双方近5次交手，巴塞获4胜1和，明显格食格，其中4次赢3球或以上，包括上次碰头大胜7比1，就算今场作客亦冇有怕，照捧让球客胜。
