今晚日联盃4强首回合赛事，大坂飞脚主场迎战北海道札幌冈萨多。飞脚近况回勇，日前就喺联赛大炒冈萨多5蛋，心理上佔尽优势，而且今届于主场出战日联盃特醒，够晒料藉地利抢先机，主胜有计。
（有线661及601台周三晚6时直播）
冈萨多防线慌失失
虽然飞脚嘅联赛排名唔及冈萨多，但自从7月底提升U23教头宫本恒靖掌舵后，飞脚近11场获3胜4和4负，表现回稳，其中啱啱先喺联赛主场迎战今仗对手冈萨多，最终大炒5比0，信心爆棚，从德国回流嘅前锋宇佐美贵史亦打破入球荒，重拾射门鞋。
冈萨多近期状态唔多掂，近4场仅得2和2负，除啱啱提到惨吞飞脚5蛋外，亦曾喺主场以1比3输畀弱旅仙台维加泰。佢哋打法过于进取，导致球队近19场只得1场无失球，防线坚唔稳阵。除此之外，阵中主力如门将具圣润、「泰国美斯」猜拿迪普桑格辛，都要为国家队踢「太公波」而缺阵，实力受削。
何况飞脚喺今届日联盃主场表现突出，近5战取得4胜，连联赛「2哥」FC东京造访此地都要输波而回，主场威力唔讲得笑，必趁地利抢先机，主胜捧得过。
