王牌基斯甸艾历臣唔弗
周五凌晨欧国外D组大战，丹麦主场强战瑞士。丹麦虽然至今保持不败身，但整体表现稍欠说服力，尤其丹麦中场核心基斯甸艾历臣近排状态低迷，对住实力相若嘅瑞士，实在无必胜把握，呢场宁愿吼实瑞士下盘。
（香港开电视77台、有线602及662台周日凌晨零时直播）
丹麦于上届欧国外附加赛饮恨，无缘决赛周，好彩去年世盃打入16强振奋军心，今届矢志重整旗鼓，D组5战至今保持不败位列次席，但当中却只得2胜，上场仲畀弱旅格鲁吉亚逼和0比0，表现未如理想。丹麦嘅最大问题在于王牌球星基斯甸艾历臣，此子开季至今一直踢唔起状态低迷，大大打击丹麦中场嘅组织能力，加上拍档尤素夫保臣同多尔贝治等表现一般，令国家队锋力持续疲弱。相反瑞士近6场欧国外取得4胜2和佳绩，相当硬淨，论阵容，一班主力实而不华嘅瑞士，平均质素绝对唔输丹麦，除咗有效力阿仙奴嘅队长格列沙加，前锋施费洛域、守将列卡度洛迪古斯都係欧洲豪门主力，有力同丹麦周旋，瑞士受让有计。
格鲁吉亚爱尔兰吼半和
至于同组先开波有格鲁吉亚主场挑战小组「1哥」爱尔兰，爱尔兰喺领队麦卡菲带领下稳步上升，今届欧国外至今交出3胜2和好成绩，今场最令爱尔兰球迷期待嘅，肯定係小将艾朗干洛尼首次为国家队披甲，呢位白礼顿19岁o靓仔上场联赛个人梅开二度，帮助球队爆冷以3比0重创热刺，其实除咗佢仲有唔少爱尔兰主力都喺英超揾食，整体质素有保证。爱尔兰开局踢法四平八稳，过去11场比赛上半场都冇失波，对住已经稳袋附加赛资格嘅格鲁吉亚，两军初段必然抱住睇定嚟踢心态，吼半场和。
（有线603及604台周六晚9时直播）
