阿里足球即时比分(www.100899.com)——全球最具权威的足球单场足球推介 设为首页 加入收藏
当前位置: 主页 > 太阳报 > 文章正文

丹麦睇定食半和啱数

2019-11-18 09:29来源:阿里足球责编:马云小弟 点击:99+次
征爱尔兰唔输就掂
今晚欧国外D组尾轮上演生死大战,爱尔兰主场硬感丹麦。目前位列小组第3嘅爱尔兰,为出线非胜不可,但佢哋向来守强攻弱,惟有先玩拉布博偷鸡;榜首嘅丹麦唔输即出线,正所谓你急我唔急,一定歎慢板睇定先食,两军近年碰头旺开半场和,值得再追。

(有线604及603台周二凌晨3时45分直播)

先讲讲形势,爱尔兰依家12分排第3,落后榜首丹麦及「2哥」瑞士3分及2分,由于瑞士今轮只係斗弱旅直布罗陀,赢波擸晒3分机会高唱入云,因此爱尔兰惟有寄望击败丹麦追至同分,由于首循环打和,爱尔兰可藉较佳对赛成绩压过对手出线,绝对係背水一战。不过爱尔兰守强攻弱,今届欧国外踢咗7轮只入得6球,仲少过第4位嘅格鲁吉亚,加上右闸史密斯高文要坐波监,只好先做好防守,睇准机会望偷鸡。佢哋连热身赛在内,近7仗有5次开半场和,初段唔会冒进。

另一边厢,丹麦上轮凭主将基斯甸艾历臣省两粒,6比0大炒直布罗陀升上榜首,并掌握出线主动权,今仗只要唔输,就令落后3分嘅爱尔兰无法赶上,锁定头两名嘅出线资格。既然唔一定要赢,丹麦势必大打稳阵波,睇定先食。查实两队都几有缘,连同上届世盃附及之前嘅欧国联在内,近两年曾5度交手,丹麦获得1胜4和,胜率唔高,其中4仗开半场和,可见大家初段经常谨慎试探为主,今晚生死关头更加唔会轻举妄动,半场和不妨追多铺。

瑞士目标明确等嗒鱼腩
同组另一场赛事,「2哥」瑞士作客包尾大幡直布罗陀。瑞士现时领先爱尔兰2分,今仗只要赢波就唔使理另一场赛果而直接出线,目标简单明确;直布罗陀今届欧国外7战全败之馀,更狂失25粒,属正宗冇骨鱼腩,就算瑞士让到4球都唔使怕辣,直取让球客胜。
 
精彩广告