踢少个逼和车仔战意高
今日大年初三赤口，英格兰足总盃第4圈独脚戏爆发英超内讧，阿仙奴作客硬撼般尼茅夫。阿仙奴争前4机会愈来愈低，当然唔会放过争足总盃嘅机会，啱啱好番嘅丹尼施巴路斯亦要争取表现，况且近年交手食住般茅，客胜值得捧场。（体通天下App周二凌晨4时直播）
阿仙奴新帅阿迪达喺去年年尾上任，首度领军就係联赛作客打和般尼茅夫1比1，事隔1个月，两军又喺同一球场正面交锋，不过今次係足总盃。阿仙奴依家喺联赛只排第10位，落后「4哥」车路士10分，要争入前4绝非易事，相信「达哥」会将目标放喺足总盃及欧霸盃，虽然队长奥巴美扬及大衞雷斯坐波监，但上周中快车踢少个下仍逼和车仔2比2，可见众将战意高昂，因伤失落正选嘅丹尼施巴路斯，「达哥」讲到明要佢用行动证明自己，预计呢位刚伤愈嘅西班牙中场今仗会打争气波。
同时，法林明高嘅西班牙中坚柏保维拿，日前被影到喺「兵工厂」总监伊度陪同下抵达伦敦，若通过体测便会正式加盟，就算今仗未能披甲，但对于后防成日派胶嘅阿仙奴嚟讲，绝对有「冲喜」作用。
般尼茅夫护级为先
另一边厢，般尼茅夫处于联赛降班区域，护级为先未必有心兼顾盃赛，加上有祖舒亚京治、哥尔尼维特、史坦尼斯拿斯、大衞布鲁克斯等大批伤兵缺阵，就算想赢亦有心无力。翻查纪录，双方近4次碰头，阿仙奴取得3胜1和未输过，摆明格食格，客胜有买趁早。
