「波费」激发魔性
力争前4嘅曼联今晚主场斗屈福特，红魔上周中欧霸盃作客1比1踢和布鲁日，成场波焦点係波基斯费南迪斯，佢后备上阵製造大量机会，今场呢名中场会担正，曼联进攻更立体，对近4场不胜兼场场失波嘅屈福特，让半一捧上盘。（Now 621周日晚10时直播）
虽然苏斯克查今季执教后功力受到质疑，但成绩代表一切，喺列强都失准嘅情况下，曼联以38分排第7，未计周六晚赛果，同前4只係3分距离，加上曼城被取消参加欧洲赛资格，欧联入场券绝对係红魔今季最大目标。
屈福特作客奥脱福脚软
曼联喺周中欧霸盃32强作客比利时，同布鲁日踢成1比1，下半场苏斯克查有3个换人调动，但都只係「位换位」，踢法阵式不变，求稳阵过渡，明显为今场联赛留力。不过，波基斯费南迪斯81分钟后备登场就成为焦点，呢短短9分钟「波费」令曼联交波速度、危险性同侵略性大大提升，头81分钟红魔鬼只得8次起脚，「波费」入场后嘅9分钟，曼联已经录得8次射门。
屈福特喺圣诞新年快车经过一段小阳春后，1月中开始打回原形，现时又沦落番尾2位置，幸好佢同第15位嘅白礼顿只有3分差距，并未太过绝望，领队尼祖皮亚臣领军经验丰富，相信嚟到呢个阶段，「拣波踢」嘅场合会较多，今场对曼联同下轮对利物浦唔会太过进取，避免球员受伤或停赛，情愿留力跟同级对手抢分好过，兼且「大黄蜂」近6次作客奥脱福输晒，曼联让半一，上盘好值得捧场。
