周六晚韩职压轴战，FC光州主场硬撼FC城南。FC城南擅于限米煮限饭，上季护级成功有办你睇，加上近年面对FC光州不落下风，作客亦无惧呢支升班球队，让球主客和FC光州让一球，必捧城南让球客胜。
（周六晚6时开赛）
FC城南上季升上韩职，喺有限人脚下以联赛第9名过终站，甩开尾2嘅FC庆南12分，成功保住韩职席位。球队今季改由金南一掌舵，虽然呢名前南韩国脚冇执教一队经验，不过佢曾经喺欧洲及日本球坛搵食，并以助教身份带领「太极虎」出战2018年世界盃决赛，有一定台型及经验。
人脚方面，FC城南今季先后罗致梁东炫、权纯亨、伊斯简迪洛夫及汤美斯拉夫基斯等实力派，前两者富韩职经验，克罗地亚借将汤美斯拉夫基斯上季喺立陶宛甲组联赛轰入22球夺得金靴奖，可望改善城南锋力不足问题，唔怪得话要改踢进攻足球。
光州锋力集中易被睇死
FC光州上季韩乙勇夺冠军、事隔两季重返韩职。上季包办球队一半入球嘅孖宝菲腊比迪苏沙及韦利安巴保沙依然留队，实力保持，不过前线太倚赖两人数胡，易被对手睇死，就算签入哥斯达黎加前锋乌连拿，能否即时融入球队亦成疑问。睇番两军近5次碰头，FC城南获1胜3和1负，当中最近3次都能先入波，FC光州要让波风险极大，宁捧受让嘅FC城南。
