比兰伦斯两度换帅执番正

比兰伦斯今季先后两次换教头，先喺去年9月辞退施拿斯，改由柏度列比路接任，可惜成绩冇改善，再喺1月中怒炒柏度列比路，由前国脚阿曼度比堤领军。当时比兰伦斯比降班区域只多1分，好彩呢位曾出战2006世盃及2004、2008两届欧国盃嘅前国脚有啲料到，成功带领球队谷底反弹，停摆前4场联赛2胜2和，依家领先尾2嘅朴迪莫伦斯10分，联赛重开后首仗佢哋会作客包尾嘅艾维斯，如果再赢护级应该唔成问题。