主场进取娱乐性高
德甲早飞推介周六赛事，法兰克福主场斗缅恩斯。法兰克福地头出战一向相当进取，今季14场主场联赛11次开3球或以上，真係大盘客至爱。缅恩斯为抢分护级亦冇得缩，相信会同主队对攻，今场波宜先入手中位数2.5球嘅大盘。
法兰克福踢法好有娱乐性，前线攻击力强，后边不设防，联赛重开第2仗就同榜首劲旅拜仁慕尼黑驳火，最终大败2比5。呢队波主场出战尤其积极，对住实力接近嘅弗赖堡，都可以喺两度落后下逼和3比3；面对前列分子慕逊加柏亦冇玩死守，虽然输1比3，但总算喺强队身上取得入球。
睇番法兰克福锋线人脚其实唔差，葡萄牙射手安达施华具数胡能力，中坚轩迪列加係典型嘅带刀侍衞，后排攻击相当厉害，今场有地利之助，相信表现会更进取。
缅恩斯防守曳
对手缅恩斯暂排联赛榜尾4，深受降班威胁必须抢分，虽然今场作客，不过佢哋近2次对法兰克福都能全取3分，球员心理上唔怕对手，相信会主动进攻争取入球，务求赢波而回。
缅恩斯最大问题係防守能力不济，今季29场失62球，平均每场失波超过2球，德甲重开出战4场共失9球，证明佢哋防守能力并无改善，加上该队近9场联赛作客有8场总入球达3球或以上，咁好路，中位数2.5球入球大值得再追。
